Tour de
Tindur

Rásreglur tímatöku – HRÍ gr. 3.5 og 3.8

• Keppendur hjóla einir og án utanaðkomandi aðstoðar. Óheimilt er að hjóla með öðrum eða nýta sér skjól eða kjölsog af öðrum hjólreiðamönnum eða ökutækjum.
• Ef hraðari keppandi nær upp í hægari: hann þarf að taka fram úr a.m.k. 1,5 m til hliðar án þess að nota skjól af honum.
• Hægari keppandinn á þá að vera minnst 25 m á eftir innan næstu 1000 m án þess að hafa reynt framúrtöku.
• Keppandi sem er ekki tilbúinn á ráslínu á réttum tíma skal tilkynna mótsstjóra þegar hann er kominn. Hann tapar einungis tímanum frá því ráðgerður ræsingartími var fram til tilkynningar.

Búnaður

• Hjálmaskylda – einnig á upphitun.
• Plötugjarðir (disk wheels) og aero-hjálmar leyfðir í öllum flokkum.
• Tímatöku- og þríþrautahjól eru leyfileg í öllum flokkum.
• Götuhjól eru leyfileg í öllum flokkum.
• Keppendur skulu klæðast viðeigandi hjólreiðafatnaði.

Rásröð – ræst í þessari röð

Rásröð innan hvers flokks miðast við niðurstöður úr næstu sambærilegu TT-keppni. Ráslisti birtur kl. 10 að morgni keppnisdags.

Sérstæðar reglur – Criterium

• Hringunarregla er EKKI virk í þessari keppni (regla 4.2.12 HRÍ). Keppendur sem eru hringaðir, er ekki gert að hætta keppni.
• Við tæknileg vandræði s.s. sprungið dekk, má fara af braut og laga atriðið. Það má koma inn aftur í keppni á sömu staðsetningu í keppninni einum hring síðar án þess að missa tíma/staðsetningu. Ef úrlausn atriðisins tekur meira en einn hring þá mun það verða skilgreint sem tapaður tími og þar með breytt staðsetning í keppninni. Sjá nánar í keppnisreglum HRÍ á hri.is.
• Fleiri en einn ráshópur getur verið á brautinni á sama tíma. Við framúrkeyrslu ráshópa þurfa allir aðilar að gæta ítrustu varkárni og sanngirni. Það má ekki nota framúrkeyrslu sem keppnisatriði til að bæta sína stöðu og þarf að trufla keppni allra aðila sem minnst. Hraðari hópurinn (sá hópur sem tekur fram úr, óháð heiti flokksins) á réttinn á brautinni ("right of way") og aðilar í hægari hópnum (sá hópur sem er tekinn fram úr) þurfa að víkja með því að halda sér í hægri hluta keppnisbrautarinnar. Framangreindur forgangur á ekki við ef hægari hópur er innan við 500m frá marklínu á lokahring. Þá þurfa aðilar úr hraðari hópnum að víkja og tryggja markgöngu hins hópsins.
• Það má ekki drafta á milli ráshópa og hægari hópur þarf að víkja með því að droppa aftur um a.m.k. 25m frá hraðari hópi eftir framúrkeyrslu. Þetta á líka við ef um minni hópa eða einstaklinga er að ræða. Það má ekki drafta á milli ráshópa.

Rásröð – ræst í þessari röð

Sérstæðar reglur – Götuhjólamót

• Hringunarregla er EKKI virk í þessari keppni (regla 4.2.12 HRÍ). Keppendur sem eru hringaðir, er ekki gert að hætta keppni.
• Óheimilt er að fara yfir heila miðlínu; og dómari mun beita brottvísun úr keppni við brot.
• Óheimilt er að fara yfir brotna miðlínu; en dómari mun ekki gera athugasemd við það ef fara þarf fram úr mjög hægfara ökutæki (t.d. dráttarvél) eða fara þarf fram úr hægfara hóp keppenda úr öðrum keppnisflokki, ef slíkt er gert með ítrustu varkárni. Dómari mun ekki líta svo að keppnisbraut hafi verið yfirgefin við slíkar aðstæður.
• Ef keppandi þarf að gefa upp keppnina ber honum að tilkynna það keppnisstjórn með skýrum hætti.
• Fleiri en einn ráshópur getur verið á brautinni á sama tíma. Við framúrkeyrslu ráshópa þurfa allir aðilar að gæta ítrustu varkárni og sanngirni. Það má ekki nota framúrkeyrslu sem keppnisatriði til að bæta sína stöðu og þarf að trufla keppni allra aðila sem minnst. Hraðari hópurinn (sá hópur sem tekur fram úr, óháð heiti flokksins) á réttinn á brautinni ("right of way") og aðilar í hægari hópnum (sá hópur sem er tekinn fram úr) þurfa að víkja með því að halda sér í hægri hluta keppnisbrautarinnar. Framangreindur forgangur á ekki við ef hægari hópur er innan við 500m frá marklínu á lokahring. Þá þurfa aðilar úr hraðari hópnum að víkja og tryggja markgöngu hins hópsins.
• Það má ekki drafta á milli ráshópa og hægari hópur þarf að víkja með því að droppa aftur um a.m.k. 25m frá hraðari hópi eftir framúrkeyrslu. Þetta á líka við ef um minni hópa eða einstaklinga er að ræða. Það má ekki drafta á milli ráshópa.
• Lokasprettur ræður röðun keppenda sem koma samtímis.
• Síðustu 300 metrana (þar verður fjarlægðarmerking) eru báðar akreinar skilgreindar sem keppnisbraut. (þetta á aðeins við þegar verið er að nálgast endamark á lokahring)
• Verðlaunaafhending og TDT-stigayfirlit beint eftir keppnina.

Rásröð – ræst í þessari röð